Әлмәт шәһәрендә 19.01.2019 - Алтын туй
Биш дистә бергә яшәү - ул чын язмыш бүләге. Тормышта бер-берсен чын-чынлап яраткан кешеләр өчен генә уза алмаган каршылыклар юк. Шуңа күрә алтын туй юбилеен мәхәббәт белән бәйле парлар билгеләп үтә.
2019 елның 19 гыйнварында Татарстан Республикасы Әлмәт шәһәрендә Кагировлар гаиләсе Габделбарый Рәшит улы һәм Роза Гәрәй кызы бергә яшәүләренә 50 ел тулуны билгеләп үттеләр.
Әлмәт муниципаль районы башкарма комитеты ГХАТ Идарәсе белгече алтын юбилярларны ГХАТ идарәсе җитәкчесе Г. Р. Әмирова исеменнән котлады.
Кунакчыл Рәшит абый белән Роза апа безгә танышу тарихын сөйләделәр. Ә алар 1968 елда Әлмәт шәһәренең көнкүреш хезмәте күрсәтү комбинатында бергә эшләгән. Яшь йөртүче һәм химчисткада кабул итүчеләрнең дуслыгы тиздән мәхәббәткә күчә. Шулай итеп, 1969 елның 19 гыйнварында алар Әлмәт районы Елхово авыл җирлегендә туйларын билгеләп үттеләр.
46 ел дәвамында Габделбарый абый машина йөртүче булып эшләгән. Ә Роза апаның гомуми стажы 38 ел тәшкил итә.
Кызганычка каршы, аларның ике уллары да исән калмаган, әмма бүген Кагировлар оныклары Матвей һәм Радмиланың тормышын кайгыртып яшиләр. Алар саф һавада күп вакытны үткәреп, сәламәт яшәү рәвеше алып баралар. Ә Роза апа “скандинавия йөреше” белән мавыга.
Хөрмәтле юбилярлар! Сез барлык кыенлыкларны да үтеп, якты хисләрегезне саклап кала алгансыз. Алдагы тормышыгыз тыныч булсын, сезгә сәламәтлек, озын гомер телибез!