Яшел Үзән муниципаль районында 1100 нче бала

2018 елның 21 декабре, җомга

Бала туу-һәр гаилә тормышында бәхетле һәм истә калырлык вакыйга. Татарстан Республикасы Яшел Үзән муниципаль районы Башкарма комитеты ГХАТ бүлегендә 1100 нче бала тууы теркәлде. Бәхетле ата - аналар кызларын Элина дигән матур исем белән атадылар. ГХАТ бүлеге белгече Элинаның тормышында беренче документ - туу турында таныклык тапшырды һәм чын күңелдән бәхетле вакыйга белән котлады һәм ата-аналарга кызларына тәрбия бирүдә уңышлар теләде!