Таҗетдинова Накыя апаның 95 яшьлек юбилее

2018 елның 8 июне, җомга

Сарман районы Янурыс авылында гомер кичерүче Таҗетдинова Накыя апага 8 июнь көнне 95 яшьлек юбилеен билгеләп үтте. Аны олуг юбилее белән район башлыгы Фәрит Хөснуллин тәбрикләде, юбилярга Рәсәй Президенты Владимир Путинның котлау хатын, истәлек бүләге тапшырды. Аның матур теләкләренә авыл җирлеге башлыгы Азия Мухамадиева,  район ветераннар советы рәисе Нәҗип Миннеголов та кушылдылар.

Юбилее көнендә үзен хөрмәт итеп килүгә бик сөенде ветеран. Сихәт гомер, күңел тынычлыгы киләчәктә дә шундый шатлыклы очрашуларга алып килсен, Накыя апа.