“Илебезнең лаеклы гражданнары булыгыз!”

2018 елның 25 мае, җомга

25 май көнне ЗАГС бүлегендә беренче паспорт тапшыру тантанасы булып узды. Ундурт яшүсмергә төп документны Кукмара муниципаль районы ЗАГС  җитәкчесе Латыпова Зөлфия Таһир кызы тапшырды.

Мөһим вакыйга белән яшүсмерләрне  Кукмара районы  буенча Россия эчке эшләр миграция бүлегенең өлкән инспекторы Асия Фәтхуллина, Кукмара “Бердәм Россия” бүлеге җитәкчесе Яппарова Камилә Минһаҗетдин кызы котладылар. Шатлыкларны уртаклашырга әти-әниләр дә килделәр. Яшүсмерләргә теләкләр җиткерелде. Балалар РФ гражданины исемен лаеклы йөртергә сүз бирделәр.