Түбән Камада гаилә мөнәсәбәтләре темасына беренче муниципаль форум узды
2018 елның 15 маенда Халыкара гаилә көнендә «Ковёр» яшьләр үзәгендә муниципаль форум форматында гаилә мөнәсәбәтләре темасына «Фикерләр аукционы» узды.
Оештыручылар булып «Түбән Кама хатын-кызлары» иҗтимагый оешмасы һәм Түбән Кама районы ГХАТ Идарәсе чыкты.
Аудитория игътибарына 4 уникаль лот тәкъдим ителде: «Гаилә урынына карьера», «Законлы никахсыз бергә тору», «Исәпләү буенча никах», «Гаилә». Катнашучылар бик көчле дискуссияга кушылдылар, иң активларга бүләкләр тапшырылды.
Үз фикерләре белән абруйлы экспертлар да уртаклашты: гаилә хокуклары укытучылары, сәламәтлек саклау һәм дини конфессияләр вәкилләре.
«Эйдос» психологик-педагогик ярдәм күрсәтү Үзәге директоры Екатерина Юртаева балаларга һәм яшьләргә «хатын-кызлар/ирләр карашы» эшлекле уен оештырды.
Чара ахырында ГХАТ Идарәсе белгечләре яшь пар Роман һәм Надеждага борынгы ярәшү йоласы тантанасын үткәрделәр