Әлки районында беренче балалары туган ике яшь әни федераль закон нигезендә билгеләнгән айлык түләүне ала башлаган

2018 елның 23 апреле, дүшәмбе

Әлеге түләү быелның 1 гыйнварыннан билгеләнә башлады. Аны алу өчен Россия гражданлыгың булу һәм илдә даими яшәү зарур. Базарлы Матакта яшәүче  Ирина Тихоновага да беренче баласы өчен әлеге түләү билгеләнгән. Ирина әлеге түләүнең үзләре өчен бик кулай булуын әйтә. Чыннан да, бала үстерүче гаиләләрнең мәшәкатьләре-чыгымнары бик күп бит. Балага яшь ярым булганчы түләнә торган бу пособие керемнәре зур булмаган гаиләләр өчен сизелерлек ярдәм булыр.