Әлмәт шәһәрендә 2018 ел башыннан 5-нче игезәкләр туган

2018 елның 17 апреле, сишәмбе

             Бүген, 2018 елның  17 апрелендә  ТР Әлмәт муниципаль районы башкарма комитеты ГХАТ  Идарәсендә  5-нче игезәкләр  тууы  теркәлде.  2018 елның  4  апрелендә Янгиров Рәфис  Васил улы һәм  Галиева  Гөлчәчәк Саитгали кызы гаиләсендә игезәк кызлар туды. Сабыйларга  Аиша һәм Азиза исемнәре кушылды.

             ГХАТ Идарәсе белгече бәхетле  ата-ананы  котлап, бала әтисенә сабыйларның беренче дәүләт  документларын - туу турында таныклыкларын  тапшырды.

             Сезне сабыйларыгыз  тууы белән чын күңелдән тәбриклибез. Сезгә озын гомер, сәламәтлек телибез. Балаларыгызның сәламәт, акыллы, максатчан, рәхимле, иманлы бала булып үсүен телибез.