Апас районында паспортлар тапшырылды

2018 елның 5 апреле, пәнҗешәмбе

Районда 14 яше тулган  егет-кызларга паспортларны тантаналы шартларда тапшыру матур традициягә керде. 5нче апрельдә үткән чираттагы тантанага апрель аенда туган көннәрен билгеләп узган яшүсмерләр чакырылды. Район хакимияте, Апас туган якны өйрәнү музее, ЗАГС бүлеге, район эчке эшләр бүлегенең миграция пункты тарафыннан бу матур һәм истәлекле кичә оештырылды.   Район мәдәният йорты хезмәткәрләре   иң матур җырларын яңгыраттылар. Балалар да, аларның якыннары да олы рәхмәт хисләрен җиткереп таралды.