Лениногорск шәһәрендә никахлашу сараенда "Минем хыялымдагы туй" фестивале

2018 елның 3 апреле, сишәмбе

Апрель башында Лениногорск никахлашу сараенда "Минем хыялымдагы туй" фестивале үтте, ул бер мәйданда Лениногорск һәм күрше шәһәрләрнең туй индустриясе вәкилләрен берләштерде.

Бу кичәгә бер түбә астына алып баручылар һәм артистлар, фотографлар һәм видеографлар, кондитерлар һәм декораторлар, зәркән салоны белгечләре җыелды, шулай ук хатын-кызлар һәм ир-атларның яңа туй киемнәре тәкъдим ителде.

Бу грандиоз вакыйга булачак парлар өчен махсус оештырылды. Нәкъ менә алар берничә сәгатькә чын профессионалларның эшенә тамаша кылдылар.

Бик күп сюрпризлар, мәзәкләр, дәртле җырлар һәм биюләр, тәмле күчтәнәчләр, сыйфатлы тавыш һәм яктылык бәйрәм атмосферасын булдырдылар һәм беркемне дә ваемсыз калдырмадылар.