Түбән Кама муниципаль районы ГХАТ Идарәсендә февраль аенда туучылар санына йомгак ясалды

2018 елның 1 марты, пәнҗешәмбе

2018 елда февраль аенда Түбән Кама муниципаль районы ГХАТ Идарәсендә 213 яңа туган сабый теркәлгән.

Туучылар арасында күбесенчә малайлар – 121 бала, кыз бала азрак – 92.

Беренче бала 85 гаиләдә, икенче бала 91 гаиләдә, өченче һәм аннан соң булган бала 37 гаиләдә туган. Бу айда дөньяга ике пар игезәкләр килгән.

Февраль аенда популяр ир-ат  исемнәре Артем, Роман һәм Әмир булды, ә иң сирәк – Михей, Доминик һәм Захар.

 Кызларга ешрак Арина, Диана һәм Ева дип исем кушканнар, кызлар өчен иң сирәк исемнәр Севиль, Эла һәм Стефания булды.