16 февральдә Түбән Камада 2018 елда туган беренче игезәкләр теркәлде.
Гашыйклар көнендә Айваз һәм Рузилә Габбазовларга икеләтә бәхет: игезәкләр дөньга килде. Бәхетле ата-ана балаларына Айзат һәм Мәрьям дип исем кушканнар.
ГХАТ Идарәсе баш белгече Гөлназ Андриянова шәһәр перинаталь үзәгендә яшь ата-ананы чын күңелдән балалары тууы белән котлады, балаларының туу турында таныклыкларын, Татарстан Республикасы Президенты Рөстәм Нургали улы Миңнехановның Котлау адресларын тапшырды.
Габбасовлар гаиләсенең олы кызлары да бар – өч яшьлек Айзилә. Игезәкләр туу белән гаилә күп балалыга әйләнде.