Бөгелмә муниципаль районы башкарма комитеты ЗАГС бүлегендә алтын туй

2018 елның 26 гыйнвары, җомга

Татарстан Республикасы Бөгелмә муниципаль районы башкарма комитеты ЗАГС бүлегендә гаилә тормышы юбилярларын котлау тантанасы узды. Вячеслав Николаевич белән Валентина Яковлевна Старостиннар үзләренең 50 ел бергә гомер итүләрен билгеләп үтте. ЗАГСта алар мактаулы юбилярлар кенәгәсендә үзләренең имзаларын куйды, алар өчен туй маршы яңгырады. Алтын пар үзләренең иң зур бәхете дип балаларын, оныкларын, оныкчыкларын атады. Үзләреннән соң килгән буынга алар яхшылык, хезмәт сөючәнлек һәм дәрәҗә үрнәге булып тора. Старостиннарның туганнары һәм якыннары ихлас күңелдән котлау һәм тәбрикләү сүзләре җиткерде. Тантаналы көндә юбилярлар кавышкан, тормыш башлап җибәргән көннәренә кайткандай булдылар, истәлекле хатирәләр белән уртаклаштылар.