16 гыйнвар көнне Түбән Кама ГХАТ Идарәсендә 2018 елда 100 нче бала тууы теркәлде.
«Юбилейлы» номерлы акт язуы Фокеев Александр һәм Марина гаиләсендә туган балага карата төзелде. Бәхетле ата-ана балаларына «Макар» дип исем кушканнар, борынгы телдән тәрҗемә иткәндә әлеге исем «Бәхетле» дигәнне аңлата.
ГХАТ Идарәсенең белгечләренә ата-ананы котлавы икеләтә дә күңелле иде. Чөнки Макарның әбисе идарә хезмәткәре, ә Александрның абыйсы Мәскәүдә Парадта Җиңү Байрагын алып барган.