ГХАТ бүлеге оештырылуга 100 ел тулуга багышлап

15 нче декабрь көнне , ГХАТ бүлеге оештырылуга 100 ел тулуны билгеләп үтү алдыннан Менделеевск  шәһәренең төбәк музее күчмә күргәзмә оештырды .

Монда  куелган  документлар, 1930-1980 нче елгы фотографияләр аша  гаилә хәле актларын теркәү бүлегенең үсеш тарихын  күрергә була иде.

Музей хезмәткәрләре бу системада төрле елларда эшләгән кешеләр турында сөйләделәр. Болар – Мөнәвәрә Йосыпова, римма Чершинцева, Рәмзия Сәйфуллина, Гөлсинә Загрутдинова.

ГХАТ бүлегенең архивында сакланучы  1904-1912 нче елларда Бондюгта туучыларның исемлеге язылган китаплар зур кызыксыну тудырды.

ГХАТ бүлеге хезмәткәрләре, авыл башкарма комитетлары сәркатипләре күргәзмәне караганнан соң, үзләренең истәлекләре белән уртаклаштылар.