Түбән Кама ГХАТ белгечләренә ГХАТ Идарәсе Министрлар кабинетының рәхмәт хатлары тапшырылды

2017 елның 13 декабрендә «Йөрәкләрдә мәхәббәт һәм наз...», тантаналы чара кысаларында,  Рәсәй Федерациясе ГХАТ органнары оешуының 100 елллык юбилее уңаеннан үткәрелгән тантанада ГХАТ Идарәсенең гаилә институтын һәм традицион гаилә кыйммәтләрен ныгытуга юнәлдерелгән актив эше билгеләп үтелде. Намуслы һәм нәтиҗәле хезмәтләре өчен, Рәсәй Федерациясе ГХАТ органнарына 100 ел тулу уңаеннан,  авыл җирлекләре башлыклары һәм сәркатипләре, ГХАТ идарәсе белгечләре Татарстан Республикасы Министрлар кабинетының ГХАТ Идарәсе һәм Түбән Кама муниципаль районы Башлыгы мактау грамоталары һәм рәхмәт хатлары белән бүләкләнделәр.