Түбән Кама муниципаль районы Олы Афанас авылында авыл җирлекләре секретарьлары катнашында семинар-киңәшмә

2017 елның 26 октябрендә Олы Афанас авылы башкарма комитеты бинасында, ел саен үткәрелә торган, авыл җирлекләре секретарьлары катнашында күчмә семинар үтте.        

Семинар эшендә муниципаль җирле үзидарә органнары хезмәттәшлеге буенча Түбән Кама муниципаль районы бүлеге җитәкчесе Елена Морозова, ГХАТ Идарәсе җитәкчесе Бэлла Махотина һәм Афанас авыл җирлеге башлыгы Николай Бурмистров катнаштылар.

Кереш сүзендә авыл җирлеге башлыгы урынбасары Марина Жуков Олы Афанас авылының тарихы белән танышып китәргә тәкъдим итте, гражданлык хәле актларын теркәү буенча, узган тугыз айның эшенә нәтиҗә ясады.

Катнашучылар өчен, оештыручылар "Гаилә" проекты кысаларында әзерләгән дәрес күрсәттеләр. Чыгарылыш сыйныф укучылары "гаилә" һәм "никах" төшенчәләре белән таныштылар, Түбән Кама районында никах теркәү һәм аерылышу статистикасы белән таныштылар. Очрашу ахырында авыл җирлеге башлыгы урынбасары тантаналы рәвештә биш гаиләне бриллиант һәм алтын туйлары белән котлады.

Николай Бурмистров барлык катнашучыларга рәхмәтләрен белдерде һәм мондый чараларны үткәрүнең мөһимлеген билгеләп үтте.