Россия Федерациясе ГХАТ органнары тууына 100 ел тулу уңаеннан Яшел Үзәндә "Яшел Үзән - "Мәхәббәт Территориясе" дип аталган фотоконкурсы тәмамланды.
Яшел Үзән халкы бу иҗат конкурста аеруча энтузиазм белән актив катнаштылар, конкурсның оештыручыларына үзләренең тормышларында иң романтик һәм мөһим вакыйгаларның берсе - туй фотоларын, фоторәсемнәр тәгъдим иттеләр. Җиңүче "Зеленодольская правда" газетасы сайтына смс-тавыш бирү юлы белән билгеләнде.
Яшел Үзән шәһәренең 85 еллыгына багышланган бәйрәм вакытында, шәһәрнең үзәк сәхнәсендә, ГХАТ бүлеге җитәкчесе Мәрьям Яковлева, конкурста җиңүчеләрне җиңүләре белән котлады һәм истәлеккә бүләкләр тапшырды.