Дүртенче ел рәттән Татарстан Республикасы көне алдыннан Президентыбыз
Р.Н.Минниханов һәм аның тормыш иптәше Татарстанның иң яхшы гаиләләрен кабул иттеләр.
Башкалабыз Казан шәһәреннән билгеле 6 гаилә чакырылды.
Алар: Халкыбызның яраткан җырчысы Салават иптәше Ләйсән белән, алар 29 августта 30 еллык гаилә бәйрәмен билгели; Татарстан Республикасының халык шагыйре Мансуров Зиннур Мөҗип улы һәм иптәше Роза Гыйззәт кызы; Татарстанның халык артисты Равиль Шагап улы Шәрәфиев һәм иптәше Раушания Миргалим кызы; Ветеринария медицинасында билгеле галимнәр Оразали Турманович һәм Людмила Анатольевна Муллоакаевлар; Манташашвили Зураб Леванович һәм Хухунашвили Маринэ Мануиловна; 6 ул үстерүче спорт сөюче Ащеуловлар гаиләсе.
Кунаклар исеменнән Игорь Ащеулов Президентыбызга спорт һәм спорт объектларын үстерүгә күп игътибар һәм көч куюы өчен рәхмәт белдерде.