Игезәк балалар туу – сирәк очрый торган вакыйга, бу гаҗәеп күренеш – ике бертөсле бала. Игезәк балаларның әти-әниләре иң бәхетле кешеләр! 5 июль көнендә Минзәлә районының ГХАТ бүлегендә игезәк балалар теркәлде. Чигвинцевлар Юрий һәм Алинә гаиләсендә малай һәм кыз дөньяга килде. Сабыйларга әти-әниләре Реналь һәм Ариана дип исем бирделәр. Әти-әниләрне шушы сөенечле вакыйга белән котлыйбыз!