Түбән Камада “өч җиделе көнендә” 700-нче пар никахларын теркәде

    2017 елның 7 июлендә “өч җиделе көнендә” Түбән Кама муниципаль районы ГХАТ Идарәсендә 700 нче пар никахларын теркәде.

    "Юбилей" акт язмасы Уразов Антон һәм Юлияга карата төзелде.  Яшь пар, аларның әти-әниләре, шулай ук дуслары һәм якыннары  өчен,  бу күңелле сюрприз булды.

     Үзләренең мөнәсәбәтләрен теркәү алдыннан, яшь пар җиде ел очрашкан. "Туй көнен шушы датага  сайлау безнең өчен очраклы түгел, чөнки 7 саны безгә бәхет китерә. Бүген без, чыннан да, бәхетле", - дип сөйләде кияү.

      Никахлашу Сарае белгечләре яшь парга гаилә бәхете теләделәр, Түбән Кама муниципаль районы башлыгы, Түбән Кама мэры Айдар Метшинның котлау открыткасын һәм бүләк  тапшырдылар.