Аерылышу медиациясе

Кайбер Европа илләрендә медиациянең яңа төре барлыкка килде - аерылышу процессында арадашчы роленә басым ясалу - DIVORCE MEDIATION, яки аерылышу медиациясе. Ир белән хатын аерылышырга этәргән сорауларны хәл итү өчен бәйсез затка мөрәҗәгать итәләр. Профессиональ арадашчы (медиатор) хезмәтләренә кризис хәлендә булган парлар мөрәҗәгать итә, менә монда "Гаилә медиациясе"нең (family mediation) "Аерылышу медиацисе"ннән аермасы күренә дә инде.
Безнең илдә 2011 елның гыйнварыннан "Бәхәсләрне арадашчы катнашуында альтернатив процедура (медиация процедурасы) ярдәмендә җайга салу  " 193-ФЗ Федераль законы гамәлгә керде. 2011 елның октябрендә "Идел буе медиаторлары лигасы" коммерцияле булмаган оешмасы төзелде. Әлеге оешма бөтен Татарстан Республикасы буенча аерылышучыларның бәхәсләрен җайга салу процедурасын уңышлы гына алып бара. Медиацияне куллануның һичшиксез үз уңайлыклары бар: вакыт һәм акча чыганаклары азрак сарыф ителә, һәр як өчен дә җайлы вакыт билгеләнә, медиатор тарафыннан мәгълүмат конфиденциаль саклана.