Балтач районы урта мәктәбендә “Яшь гаилә” клубы кысаларында “Гаилә кыйммәтләре” дип исемләнгән 10 нчы сыйныф укучылары белән әңгәмә узды. Гаиләнең мөһимлеген, аның кыйммәтләрен саклау турында ГХАТ бүлеге мөдире З.Р.Әхмәтханова, Балтач бистәсе имамы Р.Б.Бикбаев, Салавыч авыл-җирлегенең хатын-кызлар рәисе Х.Зыятдинованың чыгышлары яшьләрдә зур кызыксыну уятты. Социаль яклау бүлегенең психологы Э.Корбанова укучыларга төрле мавыктыргыч тренинглар үткәрде. Киләчәктә яшьләр тормыш юлында югалып калмыйча, ныклы гаиләләр төзеп яшәүләрен теләп калабыз.