“Президент белән бергә”

2015 елның 7 июне, якшәмбе
   “Президент белән бергә” хәрәкәте активистлары халык арасында сәламәт яшәү рәвешен һәм спорт белән шөгыльләнүне пропагандалауга зур игътибар бирәләр. Бүген Татарстан – Россиянең профессионаллар да, спорт сөючеләр дә спорт белән шөгыльләнү өчен иң яхшы инфраструктурасы булган спорт башкаласы. Республикага Россиянең генә түгел, ә дөнья күләмендәге эре спорт чараларын үткәрүне ышанып тапшыралар. Инде быелгы җәйдә су спорт төрләре буенча гаять зур халыкара Чемпионат була, ә 2018 елда Татарстан футбол буенча дөнья Чемпионатын кабул итәчәк. Татарстанның барлык районнарында, шул исәптән Буада да, “Президент белән бергә” республика хәрәкәтнең җирле бүлекчәләре 7 июнь көне узган Сабантуйда “Спортлы Татарстан” мәйданчыкларын булдырдылар. Аларда теләгән һәркем ГТО нормаларын тапшырды көчен сыный алды. Бу акцияда ГХАТ бүлеге хезмәткәрләре җирле үзидарә җитәкчеләре һәм белгечләре дә актив катнаштылар.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International