Сәбитовлар гаиләсе “алтын” туйларын билгеләп үтте

Баулы ГХАТ бүлегендә Сәбитовлар гаиләсе “алтын” туйларын билгеләп үтте. Бу хөрмәткә һәм ихтирамга лаеклы  гаилә  күпләр өчен үрнәк булып тора.

Габделәхәт абый һәм Бәдигөлямал апа күп еллар Баулы  транспорт идарәсендә эшләп лаеклы ялга китәләр. 

Сәбитовлар 3 акыллы, кешелекле бала тәрбиялиләр. Аларның һәрберсе  тормышта үз урынын тапкан, күп уңышларга ирешкән. Уллары Вәзих – әшмәкәр,  кызлары Римма – экономист, кече уллары Азат “ТрансСервис Баулы” идәрәсендә инженер булып эшли. Юбилярларның 7 оныклары бар.

Габделәхәт абый белән  Бәдигөлямал апаны  котларга  балалары, күп санлы туганнары, гаилә дуслары  да килгән иде. Чараны  Г.Абдуллина башкаруындагы музыкаль бүләк  тагы да  бизәде.