Казанда Халыкара Гаилә көне билгеләп үтелде
Бүген башкалабыз Казанда Гаилә үзәге “Казан” янында беренче “Әдәбият паркы” узды, ул Халыкара Гаилә көненә багышланды, анда шәһәребезнең күренекле әдәбият һәм сәнгать эшлеклеләре, гаилә бәйрәменең юбилярлары катнашты. Аларны котлау, бүләкләү булды. Рөстәм һәм Эльвира Галиуллиннар- 5 еллык, Альбина Әпсәләмова һәм Сергей Васильев – Ботвинов – 10 еллык, Галина һәм Григорий Эйдиновлар- 30 еллык, Наилә Ахунова һәм Борис Вайнер – 35 еллык юбилейларын билгеләп үтүчеләр үзләренең тормыш һәм әдәбият юлын үтүләре турында сөйләделәр, мәхәббәт һәм тугрылык турындагы әсәрләрененнән өзекләр укыдылар. Аларны Татарстан Республикасының ГХАТ Идарәсе җитәкчесе Альбина Шәвәлиева, Казан ГХАТ Идарәсе җитәкчесе Гүзәл Габбасова, Казан мәдәният Идарәсе җитәкчесе Айгөл Горнышева котлады.
Казан ГХАТ Идарәсе җитәкчесе- Гүзәл Габбасова. Ул җитәкләгән Идарә беренчеләрдән булып социаль челтәрдә булуын әйтте. Күптән түгел Казан ГХАТ Идарәсе “Буыннар берлеге” интернет- конкурсын игълан иткән иде. Төрле номинацияләрдә беренче җиңүчеләрне билгеләп үттеләр. Алар: Эльвира Максимова, Юлия Семенова, Эльмира Галиуллина, Майя Ган.
Кичәнең ахырында дөньядагы төрле милләт вәкилләренең туй киемнәрен демонстрацияләү булды, анда рус, татар, грузин, кыргыз, казак, төрек, мари костюмнары күрсәтелде.