Бөек Җиңү көнендә Кайбыч районында дөньяга ике сабый аваз салды

 2015 елның 15  маенда- Гаилә көне уңаеннан, Җиңү көнендә дөньяга аваз салган  ике сабыйны район сырхауханәсенең бала тудыру бүлегеннән озату тантана рәвешен алды:  бәхетле әниләр  балаларының Россия гражданнары булуларын раслаучы беренче документларын-туу турындагы таныклыкны район башлыгы Альберт Ильгизәр улы Рәхмәтуллин кулыннан алдылар.

Баһавиевлар гаиләсендә  өченче  булып кыз бала, ә  Галактионовлар гаиләсендә дүртенче булып  ир бала туган.

Район башлыгы шулай ук әниләргә чәчәк бәйләмен һәм бүләкләр тапшырды.