25 нче апрельдә Мамадыш районы ГХАТ бүлегендә гаилә кичәсе узды

2015 нче елның 25 нче апрелендә Мамадыш районы ГХАТ бүлегендә чын мәгънәсендә гаилә кичәсе узды.

Кичәгә чакырылган яшь гаиләләр бу көнне киңәш-табышлар, кирәкле мәгълүмат белән киттеләр. Башкарма комитет житәкчесе урынбасары Смирнова Алена Петровна, Мөхтәсиб Илһам хәзрәт һәм отец Дмитрий яшьләрне рухи яктан тәрбияләп, бер-береңә тугрылыклы һәм хөрмәтле мөнәсәбәтне саклап, нык һәм какшамас гаилә корырга юнәлеш бирделәр, кызыксындырырлык күп кенә  мәгълүмат белән таныштырдылар. “Язның яхшылыклар атнасы - яхшы гамәлләр эстафетасы” акциясе нигезендә “Һәйкәлләргә юл” көнендә очрашу ахырында, яшь парлар һәм очрашуны оештыручылар Чернобыль АЭСында һәлак булучылар истәлегенә куелган “Тыныч атом һәйкәленә” чәчәкләр куйдылар.