Татарстан Республикасы Министрлар Кабинетының гражданлык хәле актларын теркәү идарәсе

Казанлыларның 95% ГХАТ органнарының хезмәт күрсәтүеннән канәгать

2015 елның 6 мае, чәршәмбе

Үткән айда Казан ГХАТ Идарәсе беренче мәртәбә хезмәт күрсәтүнең сыйфаты буенча килүчеләрдән сорашу анкетирование үткәрде.

Күренгәнчә, килүчеләр эш сыйфатыннан, биналарныңжиһазлануыннан, кабул итү һәм көтеп тору урыннарыннан канәгать.

Казанлылар ГХАТ Идарәсенең эшен яхшырту буенча тәгъдимнәр дә керттеләр. Мәсәлән, бала тудыру йортларында баланың туу турында таныклыгын алу мөмкинлеге бар икәнлеген белмәүчеләр (23%) бар икән, ә респодентларнын 30% бала тууын теркәү һәм бала тудыру йортыннан чыгу көннәре туры килмәвен белдерде.

Соралганнарның 44% Казанда күпфункцияле Үзәкләр турында ишетмәгән, менә аларның адреслары: Жиңү проспекты,100; 25 октябрь ур., 13/6, Побежимов ур.,47.

54% респодент Казанның һәр районында ГХАТ бүлеге булуын тели.

Әйтеп китик, Казанда 4 урында ГХАТ бара: ГХАТ Идарәсе (Меридиан ур., Киров районы бүлеге (Болотников ур, 35А), Идел буе районы бүлеге (Р,Зорге, 89), “Казан” Гаилә Үзәге (С.Хэким ур.,4).

Сорашулар нәтижәсендә хезмәт күрсәтүне яхшырту өчен ГХАТ Идарәсе эш вакытын үзгәртү турында берничә карар чыгарды.

Һәр айның беренче дүшәмбесендә ГХАТ Идарәсе архив көне уңаеннан кабул итми иде. Хәзер исә айның соңгы эш көнендә 8:00 дән 12гә кадәр кабул итү бара, архив көне 12:00 дән соң була.

Меридиан ур. 4 тә урнашкан ГХАТ Идарәсе төшке ашка тәнәфессез эшли.

Бала тудыру йортларында бала тууны теркәү һәр көнне бара.

Казан ГХАТ Идарәсе хәбәр итүенчә, эшне оптимизацияләү дәвам итәчәк. Һәр теләгән кеше үзенең тәгъдимен u.zags@tatar.ru электрон адреска юнәлтә ала.

БАРЛЫК ЯҢАЛЫКЛАРНЫ УКУ