2015 елның 24 апреленда Зеленодол муниципаль районы Васильево бистәсе башкарма комитетында зөбәрҗәт туйларын билгеләп үтүче юбилярларны котлады
2015 елның 24 апрелендә Зеленодол муниципаль районы Васильево бистәсе башкарма комитеты никахларны тантаналы рәвештә теркәү залында зөбәрҗәт туйларын билгеләп үтүче юбилярлар Мөхәммәтхафиз Зарип улы һәм Маһинур Гарифулла кызы Зариповларны истәлекле көннәре белән тәбрикләделәр. Зөбәрҗәт туй 55 ел бергә гомер иткәннән соң үткәрелә. Зөбәрҗәт иң сирәк һәм кыйммәтле асылташларның берсе. Ул гаилә учагын күп еллар буена сүндермичә саклаган гаилә мөнәсәбәтләрен символлаштыра. Мөхәммәтхафиз Зарип улы һәм Маһинур Гарифулла кызы Зариповлар. 4 балага гомер биреп, аларны лаеклы шәхес итеп тәрбияләгәннәр. Бүгенге көндә аларның 4 оныклары бар.Васильево бистәсе башкарма комитетының баш белгече Власова Ольга Сергеевна юбилярларны җылы котлап, аларга озын, бәхетле гомер теләде. Җылы котлау сүзләреннән соң Васильево бистәсе башкарма комитеты җитәкчесе урынбасары Павлова Нина Николаевна юбилярларга истәлекле бүләкләр һәм рәхмәт хатлары тапшырды. Һәр гаилә парын котлап балалары, якыннары, дуслары тарафыннан җылы һәм дулкынландыргыч сүзләр яңгырады.