«Минем кечкенә Ватаным»

   2014 елның 1 сентябреннән башлап Буа шәһәренең гомуми белем бирү мәктәпләрендә “Минем кечкенә Ватаным” дигән яңа проект башланган иде. Бу проектның оештыручылары Буа шәһәренең белем бирү идәрәсе, ГХАТ бүлеге, туган якны өйрәнү музее, ветераннар советы.    Проект кысаларында 2015 нче елның 17 нче апрелендә Буа шәһәрендә укучыларның “Минем кече Ватаным” дип аталган   I төбәкара фәнни – гамәли  конференциясе булып узды. Конференциядә Татарстан һәм Чувашстан Республикалары гомуми  белем  бирү учрежденияләренең 100дән артык укучысы катнашты. Конференциянең жиңүчеләре һәм призерлары дипломнар белән бүләкләнде. Катнашучыларның барысына да сертификатлар тапшырылды.