Сарман районында беренче язгы чакырылыш

2015 нче елның 1 нче апрелендә Татарстан Республикасы хәрби комиссариатының Сарман һәм Мөслим районнары буенча бүлегендә беренче язгы чакыру комиссиясе утырышы булды. Бу утырышта Татарстан Республикасында кеше хокуклары буенча вәкаләтле вәкилнең Сарман муниципаль районында җәмәгать ярдәмчесе, Сарман муниципаль районы ГХАТ бүлегенең баш белгече Г.К.Шәяхмәтова да катнашты. Бу язда армиягә китәсе егетләр комиссия членнарының сорауларына җавап бирделәр, үзләренең хәрби хезмәткә әзер булуларын тагын бер тапкыр исбатладылар. Тик аларның әле Республика хәрби-медицина комиссиясе алдына басасылары бар. Язгы чакырылышта районнан 56 егет армия сафларына китәр дип планлаштырыла.