Баулы районы ГХАТ бүлегендә Сираевлар гаиләсенең Бриллиант туе

Баулы районы  ГХАТ бүлегендә Хансевәр авылында яшәүче тыл һәм хезмәт ветераннары  Сираевлар  гаиләсе “бриллиант” туйларын билгеләп үтте.

Бу хөрмәткә һәм ихтирамга лаеклы  гаилә  күпләр өчен үрнәк булып тора.

Миннезәки абый һәм Зәйтүнә апа күп еллар  авыл хуҗалыгында  эшләп лаеклы ялга киткәннәр. Әлеге көндә тәрбияләп үстергән  4 балалары,  горурлыклары булган 9 оныклары һәм 8 оныкчыклары  кадер-хөрмәтендә яшиләр.

Район башкарма комитеты житәкчесе урынбасары Илмира Хуснуллина   ветераннарга рәхмәт белдерде һәм аларга озын гомер, нык сәламәтлек, иминлек теләп район Башлыгының Рәхмәт хатын, чәчәк бәйләме тапшырды. Салих авлы җирлеге Башлыгы Заһит Галляметдинов   Миннезәки абыйга  “1941-1945 еллардагы Бөек Ватан сугышында Җиңүгә 70 ел" юбилей медален, бүләкләр тапшырды.  ГХАТ бүлеге җитәкчесе Сирена Мөрсәлимова ветераннарга Бриллиант туйны теркәү турындагы таныклык һәм Җиңү символы булган Георгий тасмасын тапшырды. Юбилярлар шулай ук,  балалары, оныклары котлауларын кабул иттеләр.

Миләүшә Миннушина башкаруындагы җырлар ветераннарга музыкаль бүләк булып яңграды.