Теләчедә зөбәрҗәт туй

Юбиляр парларны котлау Теләче районында матур гадәткә керде. Чәчәк бәйләме, истәлекле бүләкләр тапшырып: “Сезнең кебек парлар белән горурланабыз, сездәйләргә сокланып яшибез. Сезгә исәнлек-саулык, озын гомер, тагын биш елдан Бриллиант туегызда кабат очрашырга язсын”,- дип авыл җирлеге башлыгы, халыкны социаль яклау бүлеге җитәкчесе, районның гражданлык актларын теркәү бүлеге изге теләкләрен җиткерә.