Түбән Кама шәһәренең гүзәл затларын язгы бәйрәм белән танылган шагыйрьләр котлады

Язгы бәйрәм алды көннәрендә Түбән Кама районы муниципалитетында эшләүче гүзәл затлар бик үзенчәлекле һәм кызыклы тамашага тап булдылар. Романтик шагыйрьләр образларында алар каршында ир-ат коллегалары кечкенә генә театраль тамаша уйнадылар. Җитәкчеләр арасында Лев Толстой, Николай Гумилев, Александр Пушкинны танып була иде. Түбән Кама шәһәре мэры Айдар Метшин Юрий Лермонтов буларак шигырьләр укыды. 8 нче март бәйрәменә мондый кызыклы, көтелмәгән котлау кабул итеп алу хатын-кызларда зур кызыксыну уятты һәм районыбыз җитәкчеләренең бик тә креатив рәвештә фикер йөртергә сәләтле икәнен күрсәтте.