28 гыйнвар көнне Үзәк китапханәдә районыбызның мәктәп укучыларына тантаналы шартларда Россия Федерация гражданы паспорты тапшырылды. Баулы муниципаль районы башлыгы Рамиль Хакимулла улы Гатиятуллин яшьүсмерләрне җылы котлады һәм паспортлар тапшырды. Яшь гражданнар эчке эшләр министрлыгының мактаулы ветераны, Баулы районы ветераннар Советы рәисе урынбасары Әнвәрт Фатих улы Галиакберовтан да котлау сүзләре кабул иттеләр.