20 ноябрь көнне Нурлат шәһәренең беренче утра мәктәбендә балаларга хокукый ярдәм көне кысаларында чара оештырылды

Әлеге чара республикабыз өчен шактый зур әһәмияткә ия. Мәгълүмати-хокукый агарту балаларда һәм аларның ата-аналарында хокукый өлкәдә ышаныч һәм мөстәкыйльлек хисе тәрбияли, шуның белән аларның хокукый активлыгын арттыра. Балалар һәм ата-аналарга үз хокукларын аңлату аларны иҗтимагый тормышта катнашырга этәрә, гражданлык хисләре тәрбияли.
Беренче чиратта, тормышында төрле авырлыклар белән очрашкан балаларга өстенлек биреләчәк. Бу – югары сыйныф укучылары өчен аеруча әһәмиятле чара булачак, дип саныйм. Башта белгечләр яшүсмерләргә махсус лекцияләр укыячак. Аннары инде шәхси сорауларга күчү каралган, - дип сөйләде безгә Нурлат районының мәгариф идарәсе методисты Гөлфия Гафурова. Әлеге чарада хокук саклау органнары, мәгариф белгечләре, адвокатлар, нотариуслар, суд приставлары һәм башка ведомстволардан белгечләр катнашты.