23 май көнне Ютазы районы Башкарма комитетының ГХАТ бүлеге эшчеләре Урыссу бистәсендә яшәүче гаилә юбилярларын котладылар.
Әлфия Камаевна һәм Мәгсүм Гарафович Галлямовлар 2014 елны 57 еллык гаилә юбилеен үткәрәләр, ә Насиха Миннебаевна һәм Сайрин Сабирзянович Салимшиннар кулга кул тотынышып, мәхәббәтләрен саклап 53 ел бәхетле гомер юлыннан атлыйлар. Бәйрәмгә юбилярларның балалары, оныклары да чакырылды. Аларга концерт номерлары күрсәттеләр һәм бүләкләр тапшырдылар.