Дөньяны яктыртыйк

2026 елның 10 марты, сишәмбе

Халыкара хатын-кызлар көне уңаеннан Балтач районының ЗАГС бүлеге хезмәткәрләре барлык килүчеләргә бәйрәм кәефе бүләк итәргә булдылар.

Бу көн алдыннан ЗАГС ка килгән һәр хатын-кызга изге теләкләр язылган символик открыткалар тапшырылды. ЗАГС хезмәткәрләре һәр мизгелнең мөһимлеген һәм хатын-кызларның тормышыбызда әһәмиятен ассызыклап, яз һәм шатлык атмосферасы тудырдылар.

Бу зур булмаган игътибар билгеләре йөрәкләргә елмаю һәм җылылык китерсен. Һәрберебез дөньяны бераз яктырак һәм игелеклерәк итә алачагына ышанабыз.