60 ел бәхетле тормыш
Арча районы ЗАГС бүлегендә Виктор Николаевич һәм Надежда Васильевна Барышевлар гаиләсенең "бриллиант" юбилеена багышланган тантаналы чара узды. Бу көнне, 60 ел элек кебек, бәхетле юбилярлар залга Мендельсонның Туй маршы астында керделәр. Ир белән хатын тормыш юбилярларын хөрмәтләүнең Мактау китабына үз имзаларын куйдылар һәм чиксез мәхәббәт билгесе итеп «Бриллиант туй» медальләре белән алмаштылар. Бу вакыйганы юбилярларның балалары, оныклары, туганнары уртаклашты.
Район ветераннар советы рәисе Хәмидуллина Рәмзия Шәриповна һәм Арча шәһәренең хатын-кызлар советы рәисе Гаранина Валентина Васильевна юбилярларга үзара аңлашу, гаилә җылысы, туганнарының һәм якыннарының игътибарын теләделәр һәм Арча муниципаль районы башкарма комитеты җитәкчесе Хисаметдинов Алмаз Гаптрауповичның котлау хатын тапшырдылар.
"Арча шәһәре" муниципаль берәмлегенең "Центральный" территориаль иҗтимагый оешмасы җитәкчесе Прахов Радислав Анатольевич юбилярларны котлап парга тигезлек теләде.