Татарстан Республикасында гражданлык җәмгыяте институтларын үстерүгә керткән өлешләре өчен Татарстан Республикасы Рәисе премиясен бирү комитетының мәгълүмати хәбәре
Татарстан Республикасында гражданлык җәмгыяте институтларын үстерүгә керткән өлешләре өчен Татарстан Республикасы Рәисе премиясен бирү комитеты 2025 елның 26 августыннан Татарстан Республикасында гражданлык җәмгыяте институтларын үстерүгә керткән өлешләре өчен Татарстан Республикасы Рәисе премиясен алуга документлар кабул итә башлау турында хәбәр итә.
Премиягә дәгъва кылучыны тәкъдим итү Татарстан Республикасы территориясендә теркәлгән коммерцияле булмаган оешмалар, республика башкарма хакимият органнары каршындагы иҗтимагый советлар, Татарстан Республикасының тиешле муниципаль берәмлекләрендә төзелгән иҗтимагый советлар тарафыннан башкарыла.
Премия түбәндәгеләргә тапшырыла:
– Россия Федерациясе гражданнарына, иҗтимагый танылу алган, социаль юнәлешле коммерциягә карамаган секторны үстерүгә зур өлеш керткән эшчәнлекләре һәм проектлары өчен, гражданлык җәмгыяте өлкәсендә югары һөнәри осталык дәрәҗәсе белән аерылып торган, яңалыкка һәм оригинальлеккә ия булган фәнни тикшеренүләре өчен социаль юнәлешле коммерцияле булмаган оешмаларга;
– Россия Федерациясе гражданнарына Татарстан Республикасында гражданлык җәмгыяте институтларын үстерүгә күпьеллык шәхси өлеш кертүләре өчен.
Премиягә дәгъва кылучылар комитетка түбәндәге документларны тапшыралар:
-
премиягә дәгъва кылучыны тәкъдим итү турында үтенечнамә;
-
премиягә дәгъва кылучының анкета мәгълүматлары;
-
премиягә тәкъдим ителгәнгә кадәр бер ел эчендә премиягә дәгъва кылучының эшчәнлеге турында мәгълүмат;
-
премиягә дәгъва кылучының Татарстан Республикасында граждан җәмгыяте институтларын үстерүгә керткән өлеше турында мәгълүмат;
-
гамәлгә ашырылган проектларның (инициативаларның) тасвирламасы һәм Премиягә дәгъва кылучының проектларын (инициативаларын) гамәлгә ашыру йомгаклары буенча ирешелгән социаль эффект турында күрсәтмә күзаллау бирә торган өстәмә материаллар.
Дәгъва кылучыларның документлары Татарстан Республикасы Иҗтимагый палатасында 2025 елның 26 августыннан 29 сентябренә кадәр түбәндәге адрес буенча кабул ителә: Казан шәһәре, Батурин урамы, 7А йорт. Элемтә өчен телефон: (843) 567-80-99.
Өстәмә мәгълүмат түбәндәге сылтама буенча: https://oprt.tatarstan.ru/premiya-prezidenta-respubliki-tatarstan-za-vklad.htm