Паспорт алу бәйрәме
Паспорт алу бәйрәме
Сез үзегезнең беренче паспортыгызны хәтерлисезме? Герблы бу зур булмаган документ — фотографияле китапчык кына түгел, ә үсү һәм яңа җаваплылыкның чын символы.
«Казан» гаилә үзәгендә бәйрәм атмосферасында 20 яшүсмер үзләренең беренче паспортларын алдылар.
Татарстан Республикасы көне кысаларында Казан шәһәренең ЗАГС Идарәсе чын мәгънәсендә тантаналы чара оештырды. Күз алдына китерегез: майор Вадим Кравчук җитәкчелегендәге Милли Гвардия хәрби оркестры авазлары, хөрмәтле кунаклар һәм төп геройлар — дулкынланган 14 яшьлек егетләр һәм кызлар.
Паспорт алучылар арасында Советлар Союзы Герое Борис Кузнецов исемендәге мәктәп-интернат кадетлары да бар иде — хәзер үк Ватанга хезмәт итәргә әзерләнүче егетләр.
Тантананы Казан шәһәренең ЗАГС идарәсе башлыгы Елена Студеникина ачып җибәрде. Паспортларны хөрмәтле кунаклар тапшырды: Татарстан Республикасыннан VIII чакырылыш Россия Федерациясе Федераль Собраниесе Дәүләт Думасы депутаты, Дәүләт Думасының Гаилә, хатын-кызлар һәм балалар мәсьәләләре комитеты әгъзасы Татьяна Ларионова, Татарстан Республикасы Яшьләр эшләре министрлыгы вәкиле Ога Логинова һәм Россия ЭЭМның Казан шәһәре Гагарин бүлегенең 7 нче полиция бүлеге өлкән инспекторы Мәдинә Камалиева.
Музык музыкаль бүләк Татарстан Республикасының атказанган артисты Рөстәм Насыйбуллиннан яңгырады.