Казанның балаларга һәм яшьләргә психологик-педагогик ярдәм күрсәтүче «Доверие» («Ышаныч») үзәге 30 еллыгын билгеләп үтте.
«Доверие» үзәге күп еллар дәвамында ЗАГС органнары белән партнерлыкта гаиләне ныгытуга һәм аерылышулар санын киметү һәм кисәтүгә юнәлдерелгән эш алып бара.
ТР Министрлар Кабинетының ЗАГС идарәсе башлыгы һәм «Ныклы гаилә» ФПП төбәк координаторы Эльвира Әхмәтова «Ышаныч» үзәге коллективын юбилей белән котлады: «Ышаныч «үзәге күп кенә гаиләләр өчен чын терәккә әверелде, аларга авырлыкларны җиңәргә, үзара аңлашырга һәм гармонияне сакларга ярдәм итте. Һәр сакланган гаилә балаларның имин һәм бәхетле киләчәге бит. «Ышаныч» үзәгенә алга таба чәчәк атуын, яңа уңышлы проектлар телибез. Сезнең миссиягез тормышны яхшы якка үзгәртүен дәвам итсен, ә профессионализм һәм күңел җылысы сезнең визит карточкагыз булып калсын. Елена Владимировна, барысыннан тыш, Татарстан Республикасы Министрлар Кабинетының ЗАГС идарәсе Иҗтимагый советын уңышлы җитәкли, гаилә кыйммәтләре темасын үстерүгә, ныгытуга һәм саклауга зур өлеш кертә».
Бүгенге көндә халыкка адреслы психологик ярдәм күрсәтү максатында «Ышаныч» базасында төрле социаль юнәлешләр буенча 17 филиал эшчәнлеге оештырылган.
Үзәктә 80 белгеч эшли: психологлар, педагог-психологлар, социаль хезмәткәрләр, яшьләр белән эшләү буенча белгечләр, юристлар, алар ел саен үз квалификацияләрен күтәрәләр һәм яңа компетенцияләрен үстерәләр. Шул исәптән 59 психолог.
Ел саен «Ышаныч» үзәге белгечләре меңләгән яшь кешегә катлаулы тормыш хәлләренә җайлашырга һәм дөрес юл сайларга – сәламәт яшәү рәвеше, дуслык, мәхәббәт һәм гаилә кыйммәтләренең иҗади юлын сайларга ярдәм итә.