Нурлат шәһәрендә Халыкара балаларны яклау көне
Халыкара балаларны яклау көнендә Нурлатның үзәк мәйданы шатлык һәм җылылык утравына әверелде. Бу якты көнне 2025 елның февраль, март һәм апрель айларында дөньяга килгән күп балалы гаиләләрдән җиде яңа туган сабыйны хөрмәтләделәр.
Нурлат муниципаль районы Башкарма комитеты җитәкчесе Габдуллин Әсгать Касыйм улы бәхетле әти-әниләрне котлады һәм истәлекле бүләкләр тапшырды. Аның чыгышында һәр гаиләгә чын күңелдән сәламәтлек, бәхет һәм иминлек теләүләре яңгырады. ул аналарга һәм балаларга ярдәм итүнең мөһимлеген ассызыклады, шулай ук балалар – безнең киләчәгебез, алар турында кайгырту – бөтен җәмгыять өчен өстенлекле бурыч, дип билгеләп үтте.
Бәйрәм күңелле концерт программасы белән дәвам итте. Сәхнәдә шәһәрнең Балалар иҗат коллективлары чыгыш ясады. Балачак, дуслык һәм мәхәббәт турында җырлар яңгырады. Балалар рәхәтләнеп биеделәр һәм әкият персонажлары белән бергә уйнадылар.
Бу көн барлык Нурлат халкы өчен чын бәйрәмгә әверелде. Ул гаиләнең мөһимлеген, балаларны ярату һәм кайгыртуны искә төшерде. Мондый якты һәм шатлыклы көннәр мөмкин кадәр күбрәк булсын!