Халыкара Гаилә көне белән!
Җирдә бәхетле, нык һәм тату гаиләдән дә ныграк берлек юк ул. Гаилә — дәүләт һәм җәмгыятьнең нигезе. Һәр кеше тормышының уңышлы киләчәге дә гаиләгә бәйле. Гаилә яңа тормышның башы да, нәселнең дәвамы да, гореф-гадәтләрнең киләчәк буыннар өчен саклануы да.
Татарстан Республикасы — бәхетле гаиләләр төбәге, бездә буыннан-буынга тапшырыла торган гаилә кыйммәтләрен, гореф-гадәтләрен саклыйлар һәм хөрмәт итәләр.
Күп балалы гаиләләргә, яшь гаиләләргә ярдәм - республика дәүләт сәясәтенең өстенлекле юнәлешләреннән берсе.
Татарстанда күп балалы гаиләләр саны елдан-ел арта.
Династияләр, күп буынлы гаиләләр — җәмгыятебезнең байлыгы.
Һәр йортта һәрвакыт тынычлык, җылылык һәм бәхет хөкем сөрсен. Һәр уртак вакыйга якты хисләр һәм хис-кичерешләр белән тулы булсын, ә гаилә сезнең өчен терәк булсын.
Гаиләләрегезне кадерләгез һәм саклагыз. Өйдәге ямьнең, җылылыкның һәм үзара аңлашуның кыйммәтен аңлап яшәгез.
Эльвира Әхмәтова, Татарстан Республикасы Министрлар Кабинетының ЗАГС идарәсе башлыгы.