Бөгелмә шәһәренең ГХАТ бүлегендә яшь гражданнарга Россия Федерациясе паспортлары тапшырылды
Бөгелмә шәһәре мэры урынбасары Ирина Белова, Россия Эчке эшләр министрлыгының Бөгелмә районы буенча миграция мәсьәләләре бүлеге җитәкчесе урынбасары, полиция майоры Татьяна Маркова һәм Бердәм Россия партиясенең җирле бүлеге башкарма секретаре Әнвәр Әхмәдиев чараның мәртәбәле кунаклары булды. Балаларга сәламләү сүзе белән Ирина Борисовна мөрәҗәгать итте:
"Кадерле яшьләр! Төп документны - Россия Федерациясе гражданины паспортын бөтен россиялеләр өчен мөһим бәйрәм алдыннан алуыгыз бик символик. Мин сезгә бүгенге вакыйганың киләчәктә уңышлы старт мәйданчыгы булуын телим. Паспорт алгач, сез үзегезнең инде үсеп килүегезне дә аңларсыз, сез паспорт белән бергә хокук кына түгел, ә үз эшләрегез һәм гамәлләрегез өчен җаваплылык та аласыз. Сезгә бөек илебезнең лаеклы гражданнары булуыгызны, Россия Ватаныбызның бай тарихын һәм мәдәниятен беркайчан да онытмавыгызны телим. Укуда уңышлар, яхшы билгеләр һәм тугъры дуслар! Хыялланыгыз, иҗат итегез һәм алга гына хәрәкәттә булыгыз!