Түбән Камада Гаилә елын ябу тантанасы узды
29 гыйнвар көнне Халык иҗаты йортында Гаилә елын ябу тантанасы – гаилә җепләренең җылысын, мәхәббәт нурын һәм ныклы никах традицияләрен берләштергән искиткеч вакыйга узды!
Чарада күп балалы гаиләләрне, юбилярларны котладылар.
Кичнең кульминациясе - бер сәхнәдә дистә еллар буе дәвам иткән мәхәббәт тарихлары һәм яңа гына барлыкка килгән гаилә берләшүенең үрелүе булды. Колесников Александр белән Кристинаның тантаналы рәвештә никахлашуы сәхнәдә үк, алкышлар һәм тамашачылар алдында узды.
65 ел бергә гомер иткән – зирәклек, тугрылык һәм чын мәхәббәт бәйрәмен билгеләп үткән Коршиннар кичәнең махсус кунагы булдылар. Алар үзләренең бәяләп бетергесез тәҗрибәләре белән уртаклаштылар һәм яшь парларга бәхетле гаилә тормышына үзләренең хәер-фатихаларын бирделәр.
Катнашучыларны Түбән Кама муниципаль районы башлыгы, шәһәр мэры Рамил Хәмзә улы Муллин котлады.
Бу кичнең һәр мизгеле тылсым белән тулды. Шәһәрнең талантлы артистларының якты концерт номерлары тантананың чын бизәге булды, чараның блокларын гармонияле рәвештә берләштерде.
Гаилә елы тәмамланды - гаилә вакыты дәвам итә!