2025 елда Арча районында беренче булып туган кызны тантаналы чыгарылышы

2025 елның 13 гыйнвары, дүшәмбе

13 гыйнварда Арча үзәк район хастаханәсенең акушерлык бүлегендә 2025 елда беренче булып туган кызнын тантаналы чыгарылышы узды.

Фәннур һәм Альмира Гарифуллиннар гаиләсендә кызлары 6 гыйнварда 01:50 сәгатьтә 2980 грамм авырлыкта һәм 54 сантиметр буй белән дөньяга килде.

Район башлыгы Илшат Габделфәрт улы Нуриев бәхетле әти-әни Фәннүр һәм Альмира Гарифуллиннарга яңа туган Аделиянең туу турында таныклыгын, истәлекле бүләк тапшырды һәм аларга иминлек, сәламәтлек теләде.

Әти-әниләренә һәм сабыйларына нык сәламәтлек теләп, Арча үзәк район хастаханәсе баш табибы Идрисов Рифат Илшат улы медицина оешмасы исеменнән истәлекле бүләк тапшырды.

Гарифуллиннар гаиләсе, үз чиратында, акушерлык бүлеге хезмәткәрләренә рәхмәт белдерде.