Татарстанда Гаилә елын йомгаклауга багышланган «Яңа ел белән, гаилә!» телемарафоны узды

2024 елның 23 декабре, дүшәмбе

22 декабрьдә иртәнге 9да ТНВ телеканалында Татарстан Республикасында Гаилә елы йомгакларына багышланган 12 сәгатьлек «Яңа ел белән, гаилә!» дип исемләнгән телемарафон старт алды. Исегезгә төшерәбез, Россиядә агымдагы елны Владимир Путин үзенең указы белән «Гаилә елы» дип игълан итте. Студиядә Татарстаннан 50дән артык музыкаль, спортчы һәм башка гаиләләр булды.