Чистай Никахлашу сараенда Яңа ел чыршысы
Декабрь-Яңа ел алды чоры, балалар һәм өлкәннәр өчен бизәлгән чыршы тирәсендә бәйрәм тамашалары вакыты. 11 декабрьдә Чистай муниципаль районының ЗАГС бүлеге Хатын-кызлар Советы һәм «Альфа-Банк» АҖ белән берлектә чыршы тирәсенә үзенчәлекле кешеләр җыйды. Бу бәйрәмгә әтиләре белән килгән әнисез калган балалар. Әтиләргә дә мәшәкатьләрдән ял итү өчен уңай хис-кичерешләр кирәк бит!
ЗАГС бүлеге начальнигы Илмира Ярмушева сәламләү сүзе белән чыгыш ясады. Башкарма комитет җитәкчесенең социаль мәсьәләләр буенча урынбасары Галина Задворнова якынлашып килүче Яңа ел белән котлады һәм барысына да яхшы вакыт үткәрүләрен теләде.
Вакыт тиз үтеп китте, һәркемгә күңелле булды: аниматорлар балаларны кызыклы бәйгеләр, биюләр белән мавыктырдылар. «Альфа-Банк» АҖ вәкилләре әтиләргә һәм балаларга бүләкләр бүләк иттеләр.