Ютазы ГХАТ бүлегендә зөбәрҗәт юбилярларны котладылар
19 декабрьдә, Гаилә елында, «Демография» милли проектын тормышка ашыру кысаларында, ГХАТ бүлегенең тантаналар залында Татарстан Республикасы Ютазы районының Урыссу бистәсендә яшәүче Физир һәм Татьяна Нигъмәтуллиннар «зөбәрҗәт» туйларын - бергә яшәүләренең 55 еллыгын билгеләп үттеләр.
Физир Галиуллович белән Татьяна Дмитриевна бер-берсен Алтай краеның Бийск шәһәрендә табалар, шунда хезмәт эшчәнлекләрен башлыйлар. Физир Галиулла улы Казан химия-технология институтын тәмамлаганнан соң Бийск шәһәренә җибәрелә. Татьяна Дмитриевна тумышы белән Воронеж өлкәсеннән, Каменск–Шахтинск шәһәрендә укыган, Бийск химия комбинатында эшләгән, алар шунда танышканнар.
1969 елның 19 декабрендә Алтай крае хезмәт ияләре депутатларының Бия шәһәре ГХАТ бүлегендә яңа уртак тормышка аяк басалар. Бер-бер артлы кызлары Лилия һәм уллары Альберт туа. Гаилә Урыссу эшчеләр бистәсенә күчеп килә һәм ир белән хатын «Электросоединитель» заводына урнашалар. Физир Галиулла улы пенсиягә чыкканчы заводның техник бүлеге начальнигы, баш инженеры һәм профком рәисе булып эшләгән. Татьяна Дмитриевна шул ук заводта 60 ел инженер-технолог булып эшли. Физир Галиулла улы һәм Татьяна Дмитриевна-оборона сәнәгате ветераннары.
Юбилярларга ихлас ихтирам сүзләре белән Татарстан Республикасы Ютазы муниципаль районы Башкарма комитетының ГХАТ бүлеге җитәкчесе Гүзәлия Фәхертдинова мөрәҗәгать итте.
- Гаилә тормышының юбилейларын билгеләп үтү традициясе гаилә һәм никах институтына игътибарны сакларга ярдәм итә. Әхлакый гаилә традицияләрен һәм кыйммәтләрен саклаган өчен Физир һәм Татьяна Нигъмәтуллиннар «Мәхәббәт һәм тугрылык өчен» медале белән бүләкләнделәр, - дип билгеләп үтте Гүзәлия Сәгадәтулла кызы һәм юбилярларга озак елларга сәламәтлек, иминлек, бәхет, туганнары һәм якыннары ягыннан игътибар теләде, Татарстан Республикасы Ютазы муниципаль районы башлыгының Котлау хатын, истәлекле бүләк һәм чәчәкләр тапшырды.